প্ৰাৰ্থনা গীত

অচিন্ত্য আনন্ত শকতিৰ পতি

            ।। প্ৰাৰ্থনা।।

অচিন্ত্য আনন্ত শকতিৰ পতি
                        হৰি হৰি হৰি হৰি এ
        তুমি কৃপাময় দেৱ অগতিৰ গতি।
        তুমি সত্য সনাতন সদাশিৱ
                        হৰি হৰি হৰি হৰি এ
        তোমাৰ চৰণে মাগোহো নিৰ্ম্মল ৰতি।। ৮১৪
হে হৰি মোৰ মুখে নছাড়োক
                        হৰি হৰি হৰি হৰি এ
        পৰম নিৰ্ম্মল তযু গুণ নাম যশ।
        কৰা কৃষ্ণ কৃপা মনত মিলোক
                        হৰি হৰি হৰি হৰি এ
        তযু পদ সেৱা পৰম অমিয়া ৰস।। ৮১৫
জয় জয় ৰাম কৰুণা সাগৰ এ
মোকে নাৰায়ণ ইবাৰ কৰিয়ো দায়া।
                        অভয় চৰণে শৰণ পশিলো এ
        প্ৰভু দামোদৰ দূৰ কৰা মোৰ মায়া।। ৮১৬
যাদৱ যদু নন্দন গোৱিন্দ মুকুন্দ মুৰবিনাশী।
অবিদ্যা সাগৰে মজিলো
                        মাধৱ উদ্ধাৰ কৰিয়ো আসি।। ৮১৭
জীৱন যাদৱ ৰায় সেৱোহো তোমাৰ পায়
                        ৰাম নেৰিবা নফৰ দায়।
তুৱা পাৱে ৰতি যিমতে কৰিবো
                        দিয়োক নাথ উপায়।। ৮১৮
যাদৱ জয় যদুপতি তোমাৰ চৰণে লাগো।
শ্ৰৱণ কীৰ্তন নিৰ্ম্মল ভকতি
                        কাকূতি কৰিয়া মাগো।। ৮১৯
দীন দয়াশীল যাদৱ সেৱক লৈয়ো উদ্ধাৰি।
দান্তে তৃণ কৰো চৰণত ধৰো
                        নেৰিবা মোক মুৰাৰি।। ৮২০
কৰুণাময় কৰুণাসাগৰ কৃপাৰ কৰুণাসিন্ধু।
তোমাৰ কৃপাৰ আমি নোহে পাত্ৰ
                        তুমি পুনু দীনবন্ধু।। ৮২১
ৰাম কৃষ্ণ হৰি গোৱিন্দ দীন দয়াশীল স্বামী।
তোমাৰ চৰণে সহজ বাসনা
                        শৰণ মাগোহো আমি।। ৮২২
জয় যদুপতি যাদৱ তুমি অগতিৰ গতি।
দান্তে তৃণ ধৰি তোমাৰ চৰণে
                        মাগোহো সাধু সঙ্গতি।। ৮২৩
ৰাম কৃষ্ণ হৰি গোৱিন্দ সেৱক ভৈলো তোমাৰে।
অভৰ চৰণে শৰণ পশিলো
                        ছূৰিয়ো মায়া হামাৰে।। ৮২৪
গোৱিন্দ গোপাল গোপীনাথ
                        দায়া নছাড়িবা মোৰে।
অপাৰ সংসাৰ                  অপাৰ নাহি পাৰ
            মজিলো এ দুখ ঘোৰে।। ৮২৫
হৰি হৰি হৰি এ ৰাম কৃষ্ণ ৰাম নাৰায়ণ নাৰায়ণ।
কৰা হৰি মোৰ মায়া উপশাম নাৰায়ণ নাৰায়ণ।। ৮২৬
গোপীনাথ ইবাৰ মোকে নেড়িয়ো।
তযু মায়া জাল জঞ্জাল গুচায়া
                        চৰণে শৰণ দিয়ো।। ৮২৭
গোপাল গোপাল পালয় কৃপাময়।
তুৱা পাৱে মোৰ মতি ৰতি যেন নছাড়য়।। ৮২৮
ৰাম ৰাঘৱ ৰঘুপতি এ
        তুমি দেৱ অগতিৰ গতি না হে
তুৱা পদ কমলৰ মকৰন্দ ৰসে ৰতি
            কৰিয়া থাকোক মোৰ মতি না হে।। ৮২৯
জয় জয় যদুপতি এ
        তুৱা পাৱে পশিলো শৰণ না এ।
ভাল কথা শুনি আছে মনে লোলৈ সাৰ বাছি
        তুৱা নাম পতিত পাৱন না এ।। ৮৩০
প্ৰাণ বান্ধৱ মাধৱ এ দয়াশীল দৈৱকী নন্দন না হে
তুমি দেৱ দীনবন্ধু কেৱলে কৰুণাসিন্ধু
        কৰো তযু চৰণে বন্দন না হে।। ৮৩১
মোৰ প্ৰাণবন্ধু গোৱিন্দ সেৱক কৰিয়া লৈয়ো।
আন একো কাম নমাগো তোমাৰ
        ভৃত্যৰ সঙ্গত থৈয়ো।। ৮৩২
চিদানন্দ ৰাম সদানন্দ হৰি।
        নিত্যানন্দ কৃষ্ণ মোক লৈয়ো দাস কৰি।। ৮৩৩
হৰি তুমি আনন্দ সিন্ধু।
        হামো ভিক্ষাৰী মাগো এক বিন্দু।। ৮৩৪
মধু ৰিপু ৰাম ৰঘুপতি।
        তোমাৰ চৰণে মোৰ গতি।। ৮৩৫
অৰুণ চৰণে দিয়ো ছায়া ৰাম ৰাম।
        তেৱেসে তৰিবো তযু মায়া ৰাম ৰাম।। ৮৩৬
দান্তে তৃণ ধৰি হৰি চৰণত লাগো।
        তযু কৃপা ৰসৰ কণিকা এক মাগো।। ৮৩৭
দায়া কৰা দায়া কৰা মোৰ হে ৰাম।
তোমাৰ চৰণ হৰি হৃদয় পঙ্কজে ধৰি।
        মুখে লৈবো তুৱা গুণ নাম যদুমণি এ।। ৮৩৮
ৰাম কৃষ্ণ বুলি অনাথে ডাকয় এ হৰি নাৰায়ণ।
অনাথক দায়া কৰা
        কৃপাময় এ হৰি নাৰায়ণ।। ৮৩৯
নাৰায়ণ নাৰায়ণ নাৰায়ণ নাৰায়ণ জয় নাৰায়ণ।
তোমাৰ অৰুণ চৰণ পঙ্কজে
        নিমজোক মেৰি মন।। ৮৪০
নাৰায়ণ নাৰায়ণ তুৱা চৰণে আমাৰ।
        মজোক মন জয় ৰাম।। ৮৪১\