বগুৱাবোপা আৰু লাহৰী হাইস্কুলত একেলগে পঢ়া স্কুলীয়া বন্ধু। বগুৱাবোপা লাহৰীৰ জীৱনৰ প্ৰথম প্ৰেম বুলি ক'লেও ভুল কৰা নহ'ব। বগুৱাৰ মাকৰ অসহ্য পেটৰ বিষ হ'লত, স্থানীয় চিকিৎসকৰ কাষ চাপিল। কিন্তু কামত নাহিল। উপাই নাপাই বগুৱাই মাকক লৈ গুৱাহাটী পালে। ভাবিছিল গুৱাহাটীৰ কোনো বিশেষজ্ঞ চিকিৎসক এজনক দেখুৱাব, ঔষধ পাতি দুপদমান দিব! আকৌ মাকক ঘৰত থৈ যাব! কিন্তু কথা বিষম হ'ল! বিশেষজ্ঞ চিকিৎসকে লগতে অস্ত্ৰোপচাৰৰ দিহা দিলে! অতি সোনকালে অস্ত্ৰোপচাৰ নকৰিলে পৰিণতি ভাল নহ'ব! ইফালে বগোৱাৰ হাতত নাই কণটো, বৰ সবাহলৈ মনটো! লগতে লাহৰীলৈ ফোন লগালে........ "হেল্লো লাহৰী কি খবৰ?--------- মই এটা বৰ ডাঙৰ বিপদত পৰিছোঁ, বুজিছা? মাক গুৱাহাটীলৈ উন্নত চিকিৎসাৰ বাবে লৈ আহিলোঁ। ডাক্তৰে কৈছে এতিয়াই অস্ত্ৰোপচাৰ কৰিব লাগে। নহ'লে মাক আৰু ঘূৰাই নাপাম, সোণ! মই অপাৰেশ্যন কৰিব লাগিব বুলি ভবাই নাছিলোঁ, গতিকে, মই লগত ইমান টকা লৈ অহা নাছিলোঁ। অৱশ্যে বেংকত মোৰ বহুত টকা জমা আছে, কিন্তু লকডাউন চলি থকা বাবে ইয়াৰ পৰা ঘৰলৈ গৈ বেংকৰ টকা উলিয়াই আনিবলৈ মোৰ অলপ অসুবিধা হৈছে! ইফালে মাৰ অপাৰেশ্যনটো লগতে নকৰিলেও নহয়। তোমাৰ হাতত টকা পঁচিশ-হাজাৰ আছে যদি মোক এতিয়াই ফোন-পে যোগে মোলৈ এতিয়াই পঠাই দিয়া, সোণ! মোৰ বৰ উপকাৰ কৰা হ'ব, বুজিছা! তুমি চিন্তাই কৰিব নালাগে, সোণ! মই এসপ্তাহৰ ভিতৰতে তোমাৰ টকাকেইটা ঘূৰাই দিম!"